| 好耐冇上過網啦～～～～差唔多成半年啦．．． 終於上到啦～～～～ 為左慶祝我既生日～～～記得俾面留言喎～～～     
|
| |
| 尋日我地成班同學去左其中一個朋友屋企開ｐａｒｔｙ．． 真係玩得好開心．． 我地個ｍｉｓｓ都黎左同一齊我地玩呀～～ 呢個就係我地個ｍｉｓｓ啦－－＞ 
佢仲叫我教佢打麻雀添呀．． 
不過佢一落場我就連食佢兩鋪～～ 食佢個陣真係好鬼過隱呀～～哈哈～～ 跟住我地開始打邊爐～～～買左好多野食呀～～ 
不過食完之後真係好似打完仗咁．． 
真係對唔住要收野既個位兄台啦～～～ |
| |
| 唉．．．呢幾日好忙呀．．．係咁趕個report．．． 下星期就要交啦．．．不過仲差少少就搞掂啦．．． 真係寫到我頭暈眼花呀．．．對住份野真係勁無奈～～～ 呢幾日天氣終於冇咁熱啦．．． 開始有涼涼地既感覺．．． 本來應該好開心架．．． 但係點解次次都要係我晒緊衫個陣先落雨呀！！！ 太可惡啦！！！！！ |
| |
| 前幾日撞到個中學同學～～～ 估唔到呢個世界真係咁細．．． 再見到朋友真係好開心．．． 佢過左黎都差唔多年半啦．．． 聽佢講大致上都過得唔錯．．． 唯一遺憾就係同佢係香港既女友分左手．．． 我聽到個陣真係有D唔敢相信．．． 回想當時，佢地係咁恩愛．．． 估唔到佢只係過左黎冇耐．．．佢地咁就散左．．． 唔通分隔兩地既感情真係咁脆弱？？ |
| |
| 終於放完呢個又長又悶既假期啦～～～ 今日正式開學啦～～～ 今日一早返到學校．．．睇完個分班表之後．．． 發覺同好多上一班既好朋友分開左＞＜ 不過冇關係啦．．．咪當係識下新朋友囉～～～ 而且ｄ新同學比起同我住同一間屋既香港人好好多（無論係人品定係態度）．．． 點解會有咁大分別既呢～～～ 唉．．．要寫篇２０００字既野，都唔知四個星期之後點樣嘔俾佢．．． 今日最慘就係咩都冇食到呀＞＜ 尋日三個女仔黎我屋企玩．．．最可惡既就係佢地將我既最後糧食都食埋．．． 搞到我今日想帶飯番學校食都冇呀．．．嗚嗚．．． 前幾日終於收到妳既回信啦～～～ 擔心死我啦．．．仲以為妳真係台灣地震個日出左事呀～～～ 差ｄ想打去香港問你父母架啦＝＿＝ 不過見到妳冇事就放心啦～～～ 期待收到妳既來信呀．．．唔好再寫錯地址啦～～～ 記得寫Ａｕｓｔｒａｌｉａ同埋記得貼空郵呀～～～ |
| |
